أتعرف الاحساس الذي يوجد عند الطفل عندما تقذفه في السماء فيضحك؟
لأنه يعرف أنك ستلتقطه ولن تدعه يقع...تلك هي الثقة فاجعل ثقتك بالله
عالية مهما قذفتك الأقدار فسوف تلتقطك رحمة ربك قبل أن تقع
عايزه اقولكم انى بجد ارتحت اوى لما شوفت المقوله دى لاقيتها صح اوى
بس احنا عايزين نفكر فيها شويه هنلاقيها اصدق من كده كمان
يعنى الطفل الصغير ده مابيكونش فاهم اى حاجه والمفروض انه اترفع وبقى فوق اوى يعنى المفروض يكون خايف وقتها بس فعلا احنا لو بصينا على ملامحه وقتها هنلاقيه فرحان اوى وحتى لما بتيجى تنزله بيعيط وعايزك ترفعه تانى
يا سلام ده ايه الثقه دى كلها وواثق فى مين فى انسان زيه ومين اللى واثق .....مجرد طفل
طيب احنا بقى ....ناس كبار ....عاقلين ....مؤمنين .....كلنا بنتعرض لازمات وضغط وحزن كلنا كده بس احنا احسن من الاطفال بكتير اوى
عارفين ليه؟؟؟؟؟؟؟
لاننا هنا مش مجبرين اننا نثق فى انسان زى الاطفال
لالالالالالالالالالالالالالالالالالالالالالالا
احنا هنا بنثق فى الـــــــلــــــــــــه
بنثق فى ربنا
يعنى ثقه ما بعدها ثقه
بتبقى عارف انك رافع ايدك وبتقول يارب وانت مطمن اوى ان حقك هيرجعلك وكربك هيروح وان ربنا هينصفك
اصل ماينفعش تبقى عارف ان ربنا بجلاله قدره بيستحى من العبد لما يرفع ايده ويقول يارب انه يكسفه ومايستجبش ليه ومتقولش يارب
واستحاله تكون عارف ان الدعاء بين الاذان والاقامه وعند نزول المطر وعند الافطار لما تكون صايم مستجاب ومتدعيش
واستحاله تكون عارف ان دعوة المظلوم مستجابه ومتدعيش
واستحاله تكون عارف ان ربنا دايما عند حسن ظن عباده وتخاف
ماينفعش نكون عارفين ان ربنا رحيم بينا كده وبيحبنا كده وعظيم كده ونخاف
اى حد خاف فى يوم من الايام ياريت يقول استغفر الله العظيم
ويرجع يقول من تانى يارب ويقول من قلبه يارب
ويكون واثق فى الله وان ربنا مش هيسيبوه يقع ولا يتأذى
عشان ربنا بيحبنا جدا وقريب منا جدا وحاسس بينا جدا
بس اهم حاجه انك قبل ما تدعى تكون واثق ومتاكد من الاجابه
وتكون واثق ان ربنا مش هيسيبك
واى موقف تتعرضله لزم تكون اقوى منه ولزم تعرف انها اختبارات من ربنا ولزم نكون قدها (مهو دخول الجنه مش بالساهل كده)
اتفقنا ......كل لما تضيق علينا ياريت نفتكر حكاية الطفل اللى بيترفع لفوق
ونعرف اننا احسن منه وان ثقتنا اكبر منه
وربنا يصلح حالنا كلنا
موضوع: مقوله لازم تشوفوها 
